Kreu i shtetit Ilir Meta në konferencën e tij të përjavshme tha se do të ketë qëndrimin e hekur në respektimin e Kushtetutës dhe për kreu ne ri të KLSH.
Duke shtuar se nuk ka asgjë kundër kandidaturave të maxhorancës e administratës aktuale, ai tha se kreu i ri duhet të garantojë paanshmërinë e institucionit.
“Nuk dua të paragjykoj cfarë do bëjë Kuvendi, e drejtë e tij të përmbushe përgjegjësitë, duhet të dini që do respektoj vetëm kushtetutën dhe jo ligje që shpiken mbi kushtetutën. Kjo është tepër e qartë, ajo që dua të theksoj meqë e lidhët dhe me përvjetorin e PS është që në vlerësimin tim për kryetarin e KLSH-së, unë udhëhiqem nga ajo fuqi e detyrim që i jep Kushtetuta presidentit, në kuadër të parimit themelore mbi të cilin është ndërtuar e funksionon, kontroll e balancë, për të dhënë besimin në këtë detyrë për një përfaqësues që garanton pavarësi dhe paanshmëri, kjio garantohet nga mazhoranca në pushtet. Të shuaj cdo spekulim apo thashethem, për të ardhmen lidhur me këtë cështje që do i qëndroj në mënyrë të hekurt këtij detyrimi që i jep kushtetuta presidentit, në këtë aspekt vlerësoj shumë kandidatë nga ana profesionale që mund të jenë anëtarë të mazhorancës aktuale apo administratës aktuale që kanë shprehur dëshirën për këtë post por duhet ta dini ju e të gjithë deputetët aktualë që të gjithëve ua kam bërë të qartë se kush është parimi nga i cili unë jam udhëhequr për propozimin e kandidarturës, s’ka të bëjë me faktin që janë socialistë por duhet të jetë një person që garanton pavarësinë e këtji institucioni”, tha ai.
Akuzave për ndërkombëtarët që i kanë punuar për Ramën nuk i kanë shpëtuar qëndrimit të Euralius? Keni ndonjë koment për qëndrimin?
“S’kam asnjë koment se unë mendoj që çdo qytetar shqiptar, jo më presidenti e anëtarë të KLGJ e KLP duhet ta dijë kushtetutën e Shqipërisë, mendoj që është shumë e qartë.
Kushtetutën e kemi bërë me BE SHBA, dhe Venecia e Euralius e Opdat. Ta respektojmë kushtetutën sic e respektojnë amerikanët edhe gjermanët kushtetutën e tyre e ata do na
respektojnë më shumë ne dhe do na i çelin negociatat me shpejtësi kur të shohin se të gjithë ne e respektojmë kushtetutën tonë”, tha Meta.
Një urim për 29-vjetorin e PS
Meta: Uroj të gjithë socialistëve, për ketë ditë të rëndësishme për ta dhe i vlerësoj për ato gjëra mjaft pozitive që kanë bërë në historinë e demokracisë, zhvillimit të saj e shpresoj ditë reflektimi për ata që drejtojnë sot e për të gjithë të tjerët”.