Kompozitorja Diana Ziu ka zgjedhur t’i drejtohet kryeministrit Edi Rama për garën në Festivalin e Këngës në Radio Televizionin Shqiptar.
Akuzat e saj për regjisorem Grabocka janë që gara është e manipuluar dhe e paracaktuar.
Në një letër të hapur që vetë Ziu e ka shpërndarë në rrjetet sociale, ajo thotë se është duke bërë përpjekjen e fundit, por nuk harron t’i thotë kryeministrit që është ai “urdhëri” nga lartë që i lejon “Verën dhe shokut Zhani” të bëjnë abuzime me realizimin e Festivalit.
“z. Kryeminister, doni apo nuk doni ju, Ju jeni “urdhri nga lart” per kete kategori kuadrosht te realizmit socialist, te cilet mendojne ende se boll te jesh ne rregull me partine, pa ne djall te tjerat”, shkruan Ziu.
Diana i drejton Ramës dhe Ruçit edhe 5 pyetje në lidhje me Festivalin dhe garën e pandershme që sipas saj po zhvillohet nga drejtuesit dhe organizatorët.
Pse nuk ka një ekip kontrolli per procedurat e konkurimit, të shkelura me fakte publike?
Si mund të mos kete as rregullore te miratuar as nje keshill artistik per nje aktivitet qe menaxhon mbi 400 milion lek, fonde publike.
Si janë shpallur këngë fituese, materiale të cilat nuk jane shkruar apo perfunduar ende dhe sot?
Si është e mundur që mekanizmat për transparencen dhe luftën kundër korrupsionit vetëm ne festivalin e RTSH nuk ndërhyjne dot?
