Të shumta janë rastet e abuzimit me pyjet në rajonin e Dibrës. Nga Tirana, Mati, Bulqiza, Dibra, Mirdita, Kurbini, etj, kanë mësyer në masivet pyjore për të prerë e transportuar lëndë drusore në rrugë të paligjshme. Trafikantët shfrytëzojnë “lëshimin” e punës nga bashkitë dhe po masakrojnë pyjet.
Mësohet se në Bulqizë u sekuestruan rreth 30 m3 lëndë drusore dhe mjetet me të cilat po transportoheshin. Mjetet vinin nga mali i Tërnovës.
Po ashtu, 25 m3 lëndë drusore kondrabandë janë sekuestruar edhe në Mat. Një mjet i cili po transportonte lëndë drusore trup, është kapur nga grupet e kontrollit në bashkëpunim me efektivët e komisariatit të policisë të Matit. Pas sekuestrimeve në Bulqizë dhe në Matit 4 persona janë proceduar penalisht në gjendje të lirë për prerje të paligjshme të pyjeve.