Është zhvilluar sot mbledhja e parë e Këshillit të ri të Qarkut Dibër. 17 këshilltarët që përfaqësojnë këshillat bashkiak Mat, Klos, Bulqizë dhe Dibër zgjodhën mes tyre edhe drejtuesit e rinj për një mandat katërvjeçar.
Për kryetar të Këshillit të Qarkut Dibër u propozua emri i anëtares së këtij këshilli Alma Selami, bashkëkryetare e Partisë Socialistë Dibër. Pas zhvillimit të proçesit të fshehtë të votimit, me 17 vota pro e asnjë kundër, në krye të Këshillit të Qarkut Dibër, për mandatin 2023-2027, u zgjodh Alma Selami.
Mbledhja vijoi me rendin e ditës, atë të zgjedhjes së zëvendëskryetarit. Emri i vetëm i propozuar për këtë pozicion në këshillin e Qarkut Dibër ishte anëtari i këshillit të Bashkisë së Klosit, Armand Gjini, kryetari socialist i kësaj njësie vendore. Edhe për këtë emër u zhvillua proçesi me votë të fshehtë dhe nga 17 anëtarët përbërës të këshillit të Qarkut, Gjini u zgjodh, me të gjitha votat, zëvendëskryetar.
Mandatin e kaluar në krye të këshillit të Qarkut Dibër ishte znj,Valentina Haliti.