Mbi tri orë ka zgjatur operacioni i Policisë për arrestimin e tre personave të hetuar nga SPAK-u prej disa ditësh.
Mësohet se godina e Këshillit të Qarkut Dibër, Zyra Vendore Arsimore dhe Bashkia Dibër janë rrethuar nga forca dhe mjete të shumta policore.
Aksioni është mbajtur sekret pasi dyshohej se personat e hetuar mund të largoheshin dhe arrestimi i tyre do të vonohej.
Në pranga kanë përfunduar Fitim Farruku, shef finance në Këshillin e Qarkut Dibër, Lulzim Dani, efektiv i Policisë Bashkiake, bashkëshorti i drejtoreshës së Arsimit të Bashkisë Dibër dhe Halit Shehu, specialist i Shërbimit Pyjor.
Për shkak të hetimit nuk është ende e qartë në se këto tre persona kanë bashkëpunuar mes tyre, apo sejcili është hetuar dhe arrestuar për çështje të ndryshme.