Diplomati Lisen Bashkurti i ftuar në emisionin “A show” të drejtuar nga Adi Krasta në “News 24” foli për 6 vjetët që Edi Rama është në qeverisje.
Bashkurti u shpreh se PS është shkatërruar nga kryeministri, duke mos i lënë kësaj partie tradicionale të së majtës shqiptare asnjë gjurmë të pjesës së vet.
“Ka humbur shumë nga pjesa e vet. Ka një të shkuar të errët, u përpoq të dalë. Unë men doj se është dëmtuar në kolonën vertebrale. Brenda PS është krijuar një klan, një sekt, grup interesi që s’ka lidhje asgjë të përbashkët me frymën liberale moderne që e ka karakterizuar më herët. Njerëzit e ndjejnë këtë gjë.
Kryeministri ka kapur PS-në, ka kapur një parti të rëndësishme. Kemi kriizë kaq të thellë dhe ndaj maxhorancës. Kemi krizë të respektimit të premtimeve publike, krizë të përmbushjes së premtimeve ndaj shtresave që përfaqëson . PS nuk ekziston, nuk udhëheq procese politike që i takojnë.
Mendoj se kjo maxhorancë ka kaluar në tri faza. Faza e parë ishte mirëqvëeirsje. Ndërsa pas 2017 kaloi në keq-qeverisje. Ikën premtimet dhe u kalua në spontanitet. Ndërsa sot kemi mos-qeverisje. Mos-qeverisja është më e keqja. Jemi sot më keq, kemi krizë kërcënimi, pasi s’ka as qeveri dhe as qeverisje vendore. Është krizë e anarkisë dhe kaosit, ekonomia është shkatërruar, ku të drejtat e njeriut nuk respektohen, nuk ka ekonomi të tregut të lirë”, tha Bashkurti.
Lisen Bashkurti theksoi se diplomacia e Shqipërisë sot është shumë e dobët, duke shtuar se ajo punon në asimetri me interesat e kombit shqiptar.
“Mund të thuhet se diplomacia është shumë dobët, është në asimetri me nevojat që kemi ne në marrëdhëniet ndërkombëtare si komb. Diplomacia është mjaft konservator. Ndërsa brenda luhet me koalicion, politikat e jashtme lidhen me interesa të shteteve botërore, ndaj duhet më kujdes. Për shembull Rusia ndjek ca parime, për t’u shtrirë,. Për të qenë fuqi e madhe detare, fuqi në të gjitha kuptimet. Interesat e kombeve janë në tërësi të njëjta, pak lëvizin. Lëvizjet në diplomaci janë më shumë për shkak të interesave të ditës”, deklaroi ai.
Në lidhje me influencën dhe politikat ruse në Ballkan, Bashkurti u shpreh se Rusia ka 200 vjet që bën politika në gadishullin tonë. Ai tha se Rusia është një fuqi e madhe politike globale dhe duhet vlerësuar si e tillë.
“Rusët që nga fillimi i shekullit të XX kanë qenë të pranishëm në politikën e Ballkanit. Rusët kanë qenë dhe janë influentë ndaj çështjeve politike në rajonin tonë. Rusia është pjesë e rëndësishme e çështjeve politike botërore. Është treg i fuqishëm. Është fuqi ushtarake, është shkollë e rëndësishme. Duhet të jemi realistë. Nuk mund të largojmë të tillë forca. Popujt sllavë kanë pasur gjithnjë raport me Rusinë”, tha ai.
Lisen Bashkurti deklaroi se përgjimet e Zaev nxorën zbuluar se edhe shakatë në Ballkan, prodhojnë tragjedi.
“Edhe shakatë në Ballkan prodhojnë dramë. Ndarja e Kosovës është një projekt që sa duket prodho0het nga Tirana dhe Rusia ka interesa të thella për këtë projekt famëzi”, vlerësoi Lisen Bashkurti, diplomat.