Ditë të vështira për banorët e Shishtavecit të Kukësit

Banorët e Shishtavecit në rrethin e Kukësit po përjetojnë ditë të vështira për shkak të reshjeve të borës dhe temperaturave mjaft të ulëta. Lëvizjet e mjeteve janë pakësuar sepse ato mund të rrëshqasin. Aktualisht trashësia e borës është mbi 50 cm. Rrugët kryesore janë hapur por ato janë të pushtuara nga akulli dhe qarkullimi është i pamundur. Banorët e kësaj krahine të thellë kanë siguruar rezerva ushqimore për njerëzit dhe kafshët, por në se kjo situatë do të zgjasë do të duhet ndërhyrje nga emergjencat civile. Deri tani nga bashkia Kukës, Prefektura dhe spitali rajonal nuk raportohen emergjenca shëndetësore.