Aktivistja e komunitetit LGBTI Xheni Karaj pranuar hapur prirjen e saj.
Prej katër vitesh Xheni është një një lidhje me Livian dhe tashmë mesa duket duan që këtë lidhje ta çojnë në një nivel tjetër, drejt kurorëzimit me martesë. Mirëpo, siç është shprehur Xheni pasditen e sotme në emisionin e Bieta Sulos, mungesa e një ligji për martesën mes dy personave të seksit të njëjtë është pengesa e vetme për to dhe çiftet e tjera.
Megjithatë, Xheni tha se po pret krijimin e Gjykatës Kushtetuese për të çuar rastin atje.
“Të jetë për mua marr Livian dhe që tani shkoj tek Bashkia e Tiranës për t’u martuar. Ne do të sfidojmë këtë legjislacion. Janë edhe dy çifte të tjera që duan të bëjnë këtë gjë. Presim të rregullohet procesi gjyqësorë, sepse siç e dimë ende nuk kemi një Gjykatë Kushtetuese. Po nuk e zgjidhëm këtu do të shkojmë në Gjykatën Evropiane e të Drejtave të Njeriut. Është një beteje që zgjat por do presim. Pjesa më e rëndësishme për ne është barazia ligjore”, u shpreh Xheni Karaj.