Sekretari i Përgjithshëm i PS Taulant Balla ka reaguar pak më parë për protestën aktorëve dhe qytetarëve të Tiranës në sheshin para Teatrit Kombëtar, kundër shembjes së tij.
“Ja si Don Kishoti i SHQUP-it e mori në qafë Partinë Demokratike me “beteja” qesharake kundër zhvillimit, modernes dhe të bukurës. E vetmja parti politike në botë që protestoi e armatosur kundër një këndi lojrash”, shkruan Balla ndërsa poston dhe një videon të Bashkisë së Tiranës ku përfshihet ndërtimi i këndit të lojrave te Liqeni, sheshi “Skënderbej”, Pazari i Ri, Bulevardi i Ri, Stadiumi “Qemal Stafa”.
Kryedemokrati Lulzim Basha ka qenë mëngjesin e sotëm krah aktorëve te Teatri Kombëtar për të mos lejuar shembjen e godinës aktuale.