Seanca në Gjykatën e Elbasanit dështoi, pasi kishte si objekt kërkesën e të dënuarit me burgim të përjetshëm Dritan Dajtit, i cili pretendon se i ka përfunduar koha e burgimit me 25 vite burg, përpara se Gjykata e Lartë të vendoste dënimin e tij me burgim të përjetshëm.
Drejtoria e Burgjeve nuk kishte kryer shoqërimin e tij në sallën e gjyqit, duke mundësuar lidhje me anë të një videokonferencë. Por i dënuari Dajti, gjatë videokonferencës ka kërkuar që të kishte edhe pamje të avokatëve me të cilët përfaqësohet në këtë proces, gjë e cila nuk ju mundësua nga teknika e gjykatës së Elbasanit.
Dajti nuk ka pranuar vijimin e procesit, ndërsa gjykata ka vendosur shtyrjen e seancës për në datën 15 korrik. Aktualisht, Dritan Dajti vuan dënimin në burgun e sigurisë së lartë në Peqin.