Dua Lipa është ndarë nga i dashuri i saj Isaac Carew. Kjo ndarje e tyre vjen 18 muaj pasi u pajtuan nga zënka që i shkaktoi shkëputjen e parë. E teksa kuzhinieri i njohur shihet se e ka hequr këngëtaren shqiptare nga rrjetin social “Instagram” mbrëmjen e së martës, një burim për “The Sun” është shprehur se ndarja e tyre ka ardhur si pasojë e angazhimit profesional të Duas.
“Dua dhe Isaac janë munduar shumë për të gjetur kohën për të qëndruar pranë njëri-tjetrit pasi u kthyen së bashku. Por Lipa po nxjerr muzikë të re dhe gjërat për të dy janë bërë të vështira. Ishte një vendim i vështirë por ata nuk arritën t’i bënin gjërat të funksiononin”-ka thënë burimi.
