Botuesja Arlinda Dudaj thotë se ish-Kryeministrin e Italisë, Silvio Berlusconin nuk mund ta marrim si shembullin e burrit të madh. E ftuar në emisionin “Opinion“, Dudaj shprehet se Berlusconi me bëmat e tij, sipas botueses nuk është figura serioze e një burri shteti. Dudaj shton se Berlusconi e trajtoi femrën si objekt seksi si dhe sipas botueses, e varfëroi kulturën italiane.
Arlinda Dudaj: Berlusconin nuk mund ta marrim si shembullin e atij burrit të madh. Një burrë që sillet ashtu me gratë, që bëjnë “bunga-bunga”, nuk është figura serioze e një burri të shtetit. Ky njeri i shtroi rrugën Donald Trumpit dhe asaj që erdhi mbrapa. Që përfshiu gratë në qeveri, nuk më thotë asgjë. Sepse nga përgjimet doli se me 2-3 prej tyre shkonte në shtrat. Berlusconi ishte njeriu që sipas meje, e varfëroi kulturën italiane dhe solli “Mediasetin” që është televizion bastard, e trajtoi femrën si velinë dhe si objekt seksi. Berlusconi ishte nga ata që nuk ishte dënuar asnjëherë, thjesht kalonte nëpër institucione, ai përdori shtetin dhe të gjitha ligjet i vendosi në dispozicion të tij.