Kryetari i AAK-së Ramush Haradinaj i ka kërkuar kryeministrit së Kosovës, Avdullah Hotit që në dialogun me Serbinë t’i ketë në ekip Selim Selimin dhe Meliza Stublla-Haradinajn.
Në një intervistë për RTD Dukagjini, Haradinajt është të dy ministrat i kanë kualifikimet e duhura dhe Hoti do të mund të kishte nevojë për ndihmën e tyre pasi Kosova duhet të shkojë e përgatitur.
“Kosova duhet me bo kujdes, nuk janë diskutime të lehta. Më mirë është me pas dikë që të thotë: Kryeministër një sekond …shiko se kjo mundet me të dalë keq më vonë. Mirë është më pas Selimin për dialog edhe atë ju siguroj sepse e di pse po flas sepse është materie njeri, është jurist vetë, ka studiuar në Duke University, ka qenë pjesë e bisedës…mirë është me pas Melizën se është Oxford …Meliza ka mund me qenë e cilësdo parti por është bukur zor me gjet në kuadër të qeverisë njerëz me këto kualifikime edhe me dëshirën me punuar”, tha i pari i AAK’së.
I pyetur lidhur nëse ka pasur informacione për takimin e fundit mes Hotit dhe kryeministrit serb, Haradinaj e mohoi një gjë të tillë.
“Unë nuk jam njeri i pa informuar, kam burimet e mija të informimit, marrë informata shumë. Di edhe sekuenca të takimit Vuçiq-Hoti… por jo prej kryeministrit tonë. Sot ja përmenda do sekuenca të takimit me i tregu se çdo detaj të takimit e di Nuk jam pa informata, nuk jam pa njerëz”, tha Haradinaj.