Alban Musa dhe Suada Daci u larguan në muajin prill nga programi i mëngjesit “Rreze Dielli” në Report Tv.
Arsyeja sipas Albanit lidhej me konfliktet që ai kishte pasur me drejtuesit e televizionit, ndërsa sipas Suada Dacit, programi ishte kthyer në një “detyrë shtëpie” ndaj largimi ishte zgjedhja më e mirë.
Por televizioni dha një version tjetër për largimin e dy moderatorëve, që tanimë janë zëvendësuar nga Katerina Trungu. Sipas drejtuesve të televizionit, Alban Musa kishte shkelur masat higjienike të vendosura për t’u mbrojtur nga koronavirusi, duke rrezikuar shëndetin e punonjësve të tjerë.
Pas largimit nga “Report Tv”, tashmë Albanin do ta shohim në një tjetër emision.
I ftuar mëngjesin e sotëm në “ABC-ja e mëngjesit”, moderatori ka treguar se i është bashkuar “ABC Neës” dhe programi i tij i ri quhet “”Nëpër Shqipëri”.
Ky program do të tregojë destinacionet e mrekullueshme të vendit tonë dhe do të transmetohet të shtunën në orën 17:00 në “ABC News”.