Etilda Gjonaj ka zgjedhur ta bëj të mërkurën “pushim” si ministre e Drejtësisë, duke ia deleguar kompetencat zëvendëses së saj, Teuta Voda. Të paktën kjo tuhhet në një urdhër delegimi të botuar në Fletoren Zyrtare.
Edhe pse në këtë urdhër nuk jepet arsyeja, ndoshta ministrja Gjonaj nuk ka dashur të jetë në institucion në një kohë që po bëhen inspektime dhe kontrolle lidhur me abuzimin me tenderat për zyrtarë dhe ish zyrtarë të institucionit që drejton. Epo nuk ndodh çdo ditë që një ministër të delegojë kompetencat vartësit për vetëm një ditë.
Edhe kryeministri Edi Rama i ka deleguar kompentencat e ministrit të Jashtëm, zëvendësministrit Gent Cakaj, e me shumë gjasa për shumë muaj.
URDHËR I PLOTË
36, datë 1.2.2019
PËR DELEGIM KOMPETENCE
Në mbështetje të pikës 4, të nenit 102, të Kushtetutës, të pikës 2, të nenit 7, të ligjit nr. 8678,
datë 14.5.2001, “Për organizimin dhe funksionimin e Ministrisë së Drejtësisë”, të ndryshuar, të neneve
28 dhe 29, të ligjit nr. 44/2015, “Kodi i Procedurave Administrative i Republikës së Shqipërisë”, si dhe pikave 2 dhe 3, të nenit 11, të ligjit nr. 90/2012, “Për organizimin dhe funksionimin e administratës shtetërore”,
URDHËROJ:
- Delegimin e kompetencave të titullarit të Ministrisë së Drejtësisë nga data 5.2.2019 deri në
datën 6.2.2019, zëvendësministrit të Drejtësisë, znj. Teuta Vodo.
- Ngarkohet zëvendësministri i Drejtësisë, znj. Teuta Vodo, për zbatimin e këtij urdhri.
Ky urdhër hyn në fuqi menjëherë dhe botohet në Fletoren Zyrtare.
MINISTRI I DREJTËSISË
Etilda Gjonaj