Kastro Zizo dha një lajm vërtet interesant sot, i ftuar në emisionin “BE Caffee”.
Moderatori dhe këngëtari i njohur premtoi rikthimin e grupit të famshëm ku bënte pjesë vite më parë, “2 Farm”.
I pyetur se ku ndodhen sot anëtarët e tij dhe a e ruan komunikimin me ta, Kastro zbuloi se jo vetëm që e ruan, por këtë verë do të ketë një ribashkim të grupit.
“Këtë verë ka një reunion të ‘2 Farm’, u shpreh këngëtari i cili premtoi një koncert në Tiranë me rastin e 20-vjetorit të albumit të parë.
“Me këtë dua të tregoj se nuk ka vetëm më muzikë me teneqe, por ka dhe muzikë të bërë mirë, të risjellë në 2019-n”, tha Kastro Zizo.