Rrjetet sociale u mbushën me pamje nga një përleshje e madhe fizike në setin e reperit Don Xhoni, duke hapur dyshime mbi një incident të vërtetë.
Nuk bëhej fjalë për një konflikt real, por për skenë të një klipi që do të publikohet në YouTube. Projekti vjen si një mini-film muzikor, i cili shoqëron këngën e re të reperit, të titulluar “Zona 24”.
Në rrjetet e tij sociale, Don Xhoni e ka prezantuar projektin si një moment të veçantë në karrierë. “Mbreti me lajme. Kjo so veç ART, kjo o HISTORI!”, ka shkruar ai në Instagram, duke e paralajmëruar publikimin për të premten.
Klipi i ri i trajtuar si një rrëfim filmik, duket se synon të tejkalojë kufijtë e një videoklipi tradicional, duke e kthyer në një ngjarje të rëndësishme për të.
