Një 53-vjeçar ka humbur jetën pasi është përplasur nga një kamion, teksa udhëtonte me biçikletë.
Ngjarja e rëndë ka ndodhur në aksin rrugor Lushnje-Fier, gjatë orëve të natës. Sipas policisë, është arrestuar në flagrancë drejtuesi i kamionit, B.S, 52 vjeç. I ndjeri ka ndërruar jetë në spitalin e Lushnjes.
NJOFTIMI I POLICISE
Specialistët e Sektorit të Qarkullimit Rrugor, arrestuan në flagrancë shtetasin:
B.S, 52 vjeç, banues në Tiranë.
Arrestimi i këtij shtetasi u bë pasi dje gjatë natës, në aksin rrugor Lushnje – Fier, duke drejtuer mjetin kamjon tip “Iveko” ka aksidentuar shtetasin N.N, 53 vjeç, banues në Fier, i cili ishte duke lëvizur me biçikletë.
Për pasojë, shtetasi i dëmtuar N.N ka ndërruar jetë në Spitalin e Lushnjes.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Shkelje e rregullave të qarkullimit rrugor”.