E ftuar këtë të diel në “Mos i bjer me Top”, në “E diell”, Efi Dhedhes ka ndarë me publikun disa prej të rejave të saj të fundit. Që nga dalja e saj nga “Big Brother VIP 2”, Efi është marrë më shumë me biznesin e saj, të cilin pritet ta hapë së shpejti.
Ajo tha se këtë vit ka vendosur ta vërë në shërbim të vetes dhe deri tani këtë ka nisur të bëjë. E pyetur për lajmet e ditëve të fundit, ato për lidhjen e dashurisë, si edhe ato për shtatzënisë, Efi këtë herë vendosi të tregojë të vërtetën. Ajo tha se është ndarë nga partneri, me të cilin kishte një lidhje më shumë se 1-vjeçare. Në kohën kur hyri në “Big Brother”, Efi vendosi të tregojë që kishte një njeri jashtë, në mënyrë që askush në shtëpi të mos mendonte se mund të flirtonte me të.
Por lidhja, me sa duket, nuk ka shkuar mirë. Efi tregoi se ka pak kohë që është ndarë nga i dashuri, por nuk deshi të flasë më shumë për këtë gjë. Pyetjes edhe për lajmet e shtatzënisë, ajo iu përgjigj me të qeshur: “Kush është shtatzënë?”
Duke mohuar lajmet e shtatzënisë, Efi tha se kur kjo të ndodhë, ajo do ta thotë edhe publikisht, sepse nuk ka gjë më të bukur sesa të jesh shtatzënë.