Andi Hoxhaj lektor në King’s College University,në Londër, ishte këtë të premte i ftuar në një lidhje direkte për “Balkan Talks” ku ka folur për luftën mes Rusisë dhe Ukrainës dhe ndikimit që kjo sjell në të gjithë botën.
Ai tha se këtë të premte Ministria e Mbrojtjes së Britanisë së Madhe ka konfirmuar se predha të Britanisë tashmë janë hedhur në territorin rus. Ai tha se në përgjithësi opinioni publik në Britaninë e Madhe është pro-ukrainas.
Duke komentuar retorikën e ashpër të presidentit të Rusisë ndaj Londrës, Hoxhaj tha:
“Ditën e djeshme, pasi u hodhën për erë të parë predhat birtanike në territorin rus, Vladimir Putin tha në një konferencë për shtyp, se ky ishte një vendim shumë i gabuar dhe ka për t’ju [përgjigjur Britanisë së Madhe. Ajo që është interesante dhe ka ndarë edhe opinionin publik, ai ditën e djeshme ndryshoi edhe doktrinën e përdorimit të armëve nukleare.
Doktrina ruse ishte që ata do i kundërpërgjigjeshin vetëm një shteti. Tani ata e kanë ndryshuar që do godasin edhe nëse një shtet nuk ka armë bërthamore, por suportohet nga një fuqi bërthamore. Pra tashmë më doktrinën ruse, Rusia mund të sulmojë edhe Britaninë e Madhe”.