Gjykata e Shkupit në Maqedoninë e Veriut ka vendosur ekstradimin në Zvicër të Saimir Taullaut, rivalit të Aldo Bares në qytetin e Lushnje. Sipas gazetarit Elton Qyno, Taullau rezulton i dënuar me 4 vjet burg në Zvicër për trafik heroinë.
Vendimi për Taullaun është marrë pak ditë më parë dhe ekstradimi i tij në burgjet e Zvicrës i Taullaut është miratuar dhe nga organet shtetërore. Nga të dhënat, rezulton se Taullau është dënuar në vitin 2013 dhe është arrestuar gjatë një aksioni të policisë zvicerane. Teksa hetimet po zhvilloheshin lidhur me dosjen e tij, togat e zeza vendosën që ta linin në masë sigurie “arrest në shtëpi”, por duket se i kishin bërë “llogaritë” keq.
Taullau nuk ka respektuar vendimin e gjykatës por ka zgjedhur që të arratiset dhe të kthehet në Shqipëri. Megjithatë ai u dënua në mungesë. Ai u arrestua në shtator të këtij viti në Maqedoni, ndërsa mbi të rëndonte edhe dënimi në Zvicër.
Familja Taullau në Lushnjë, njihet si rivale e bandës së Aldo Bares. Vëllai i tij, Baki Taullau u vra në vitin 2005, ndërsa Saimiri ka qënë gjithmonë në ‘shënjestër’. Jo më larg se dy vite më parë ndaj tij u organizua një atentat, por ia doli që të shpëtonte me plagë të lehta.
Taullau është një person i dënuar disa herë në Shqipëri dhe ka qënë pjesë e ‘kokave’ të krimit në Shqipëri