Policia e Shtetit ka arrestuar një tjetër person, i dyshuar për vrasjen e biznesmenit Edmond Mëhalla në Elbasan, pak ditë më parë.
Gazetari Fatos Salliu bën me dije për Klan News se i dyshuari është vënë në pranga në Prrenjas. I arrestuari është shtetasi N.S., 33 vjeç.
Ai është person me precedentë penalë dhe dyshohet se ka qenë ekzekutori i biznesmenit. Policia bën me dije se janë kryer kontrolle të imtësishme në zonat përreth dhe më gjerë, me qëllim kapjen e të dyshuarit.
Kujtojmë se për vrasjen e Mëhallës janë vënë në pranga dy shtetas të tjerë, të dyshuar të përfshirë në ngjarje. Ndërsa, dy të tjerë janë shpallur në kërkim.