Gazetarja Klodiana Lala ka folur për vrasjen e Pjerin Xhuvanit në Elbasan. Lala tha se ka dyshime që provat në vendngjarje të jenë prishur.
Ajo deklaroi se në automjetin me të cilin qarkullonte viktima, janë gjetur fletushka të ngjashme me fletë votimi, por jo karta ID.
“Zyrtarisht thuhet që në automjet janë gjetur vetëm fletushkat, që ngjajnë me fletë votimi.
Dyshimi im është që mund të ketë patur edhe karta ID. Por, nuk kam provë ta them në mënyrë kategorike.
Po të shohësh deklaratën, aty është arrestuar një person, që i përket klanit të Pjerin Xhuvanit, që dyshohet se ka hequr prova nga vendi i ngjarjes.
Burime të rezervuara thonë që njëri prej personave të përfshirë në sherr, ka hequr prova që lidhen me zbardhjen e të vertetëts.
PD edhe pse pretendon se e ka të filmuar momentin që personi del me karta ID, nuk e ka dorëzuar pranë prokurorisë apo në media.
Nuk e kam dëgjuar zotin Ardi Veliaj të shpjegojë veprimet e policisë”, deklaroi Lala.