Një grua shqiptare është ekzekutuar mbrëmjen e sotme me një plumb në kokë, në mes të rrugës në Castelfiorentino në Firence.
Ngjarja e rëndë mësohet se ka ndodhur gjatë mbrëmjes, ndërsa viktima është identifikuar si Klodiana Vefa, 35 vjeçe.
Ajo është qëlluar nga një burrë, i cili dyshohet se është ish-burri i saj, i cili deri më tani nuk është kontaktuar dot nga policia.
Alarmin e kanë dhënë banorët e zonës të cilët kanë dëgjuar krismën e armës. Në vendin e ngjarjes kanë mbërritur policia dhe autoambulanca, por 35-vjeçarja shqiptare kishte humbur jetën.
Ajo ishte nënë e dy fëmijëve.