Miliarderi Elon Musk është fotografuar me të dashurën e tij të re, aktoren australiane Natasha Bassett. Çifti u panë duke shijuar një drekë në parajsën e miliarderëve në St Tropez. Dyshja u fotografuan teksa gjatë drekës në një hotel ku dhomat kushtojnë mbi 1300 dollarë në natë.
Miliarderi 50-vjeçar dhe 29 vjeçarja besohet se kanë filluar që të takohen në shkurt të këtij viti, kur u panë duke zbritur nga avioni privat i Musk në Los Angeles.
Burime për “Daily Mail” konfirmuan askokohe se “flokëkuqja misterioze” është aktorja 27-vjeçare Natasha Basset. Të njëjtat burime shtuan se ajo dhe 50-vjeçari janë njohur kohë më parë dhe kanë qenë vetëm miq, ndërsa romaca e tyre ka nisur pasi miliarderi u nda nga ish-gruaja e tij.
Por kush është Natasha Bassett?
27-vjeçarja është me origjinë nga Sydney i Australisë, ndërsa për sa i përket karrierës së saj, ajo ka pasur role kryesore në disa nga filmat më të suksesshëm.
Në vitin 2017, Natasha luajti rolin e Britney Spears në filmin biografik të këngëtares “Briney Ever After”.
Në vitin 2016, ajo luajti rolin kryesor në filmin e mbretit të Rock and Roll-it, Elvis Presley. Natasha luajti rolin e Dixie Locke, të dashurës së parë të Presley-t.