Pas muajsh pritjeje, Dafina Zeqiri nuk po i fsheh më emocionet e të qenit nënë për herë të parë. Këngëtarja ka ndarë me ndjekësit disa sekuenca prekëse nga lindja e djalit të saj, duke i lejuar ata të bëhen pjesë e një kapitulli të paharrueshëm në jetën e saj.
Në një video të publikuar nga klinika ku solli në jetë të voglin, Dafina shihet teksa përjeton çaste të forta emocionale. “Përlotet në çastin kur prek për herë të parë Daskanin, së bashku me partnerin e saj, Kreshnikun”, thuhet në përshkrimin që shoqëron postimin.
Dafina dhe bashkëshorti i saj, Kreshnik Gjergji, i thanë “po” njëri-tjetrit në tetor të vitit të kaluar, dhe tani, me ardhjen e Daskanit në jetë, familja e tyre është bërë më e plotë. Artistja ndau gjithashtu një foto ku zbulon emrin e djalit të porsalindur – një emër që rrallë dëgjohet dhe që tashmë ka fituar zemrat e fansave të saj.
