Dy efektivë të Policisë Rrugore në Elbasan u pezulluan nga detyra për shkak të një konflikti mes tyre, përplasje e cila përfundoi me përdorimin e armëve të ftohta.
Efektivi i dhunuar, E.H., një intervistë për Panorama TV, tregoi se pas një dreke pune me kolegët e tij, i është drejtuar mjetit, ku u përball me disa persona të maskuar, të cilët e kanë goditur me mjete të forta.
“Ngjarja ka ndodhur mbrëmë pas drekës së punës që kishim me koleget në një lokal në Elbasan, dhe teksa një pjesë qëndroi për kafe, nga lokali unë dola i fundit. Duke shkuar drejt makinës time, aty me vijnë disa djem me kapuç e maska. Mund të kenë qenë 3-4 veta, dhe gjatë përleshjes kuptova që ishte Redi Mato, kolegu, punonjës policie në Komisariatin e Elbasanit, ata kishin shkopinj. Vetëm natën e mbrëmshme kur ndodhi ngjarja kishim përleshje, se atë ditë në polici kemi pasur një debat të vogël, por që u sqarua mes nesh, dhe nuk kisha asnjë personale.Mbrëmë kur ndodhi sulmi, isha i shoqëruar edhe nga një shok i imi i cili po ashtu u godit. Sot dua që drejtësia të vendos ne ven dhe se personi në fjalë të dal para organeve ligjzbatuese, policia atë ditë e dinte, dhe nuk u mor asnjë masë ndaj tij”, u shpreh efektivi.