Recep Tayyip Erdogan është nominuar për Çmimin Nobel për Paqen rreth përpjekjeve të tij për të zgjidhur krizën në Ukrainë.
“Unë e nominova presidentin Erdogan për Çmimin Nobel për Paqe për shkak të përpjekjeve në arritjen e paqes midis Rusisë dhe Ukrainës”, ka thënë kryetari i parlamentit turk, Mustafa Sentop.
Që nga fillimi i luftës në Ukrainë, Turqia ka marrë pjesë vazhdimisht si ndërmjetëse midis Rusisë dhe Ukrainës.
Me ndërmjetësimin e Turqisë dhe OKB-së, më 22 korrik u nënshkrua një marrëveshje për eksportin e produkteve bujqësore nga Ukraina, Iniciativa për Drithin e Detit të Zi, e cila u zgjat për 120 ditë më 17 nëntor.