Chrissy Teigen dhe John Legend ende nuk mund ta besojnë që do të bëhen prindër për herë të tretë.
Sipas “PEOPLE”, një burim tha se modelja 34-vjeçare dhe këngëtari “kurrë nuk menduan se do të ishte e mundur që Chrissy të mbetej shtatzënë natyralisht,” kështu që “nuk ishin kurrë shumë të kujdesshëm” në intimitetin e tyre.
“Ajo vazhdon të thotë se është një mrekulli që mbeti shtatzënë, gjë të cilën e mësoi kur bëri operacionin (heqjen e implantit të gjirit)”, shtoi burimi.
Teigen dhe Legend, kanë folur hapur për mënyrën sesi iu nënshtruan fekondimit in vitro për dy fëmijët e tyre: Miles Theodore, 2 vjeç, dhe Luna Simone, 4 vjeç.
“Ishte një surprizë. Një surprizë e vogël karantine, mendoj se mund të thuhet. Por ne jemi shumë të emocionuar dhe mirënjohës për të gjitha urimet që kemi marrë nga njerëzit në të gjithë botën,”- shtoi Legend. “Shumë faleminderit.”
Sa i përket vajzës së madhe, burimi i tha “People” se “Luna është veçanërisht e emocionuar për një motër tjetër.”
“Ajo nuk ishte mjaft e rritur kur Miles iu bashkua, por kësaj radhe ajo e kupton se po vjen një fëmijë i ri. Është shumë e lezetshme,” – shtoi burimi.
Djali i çiftit, megjithatë, është më pak i entuziazmuar. “Milje, nuk është aq shumë i emocionuar. Ai është xheloz!”
Burime të shumta konfirmuan shtatzëninë e Teigen pasi ajo dhe Legend shfaqën barkun e rrumbullakosur në videon muzikore “Wild”, e cila u publikua më 13 gusht.
“Me të vërtetë ishte lajmi më i bukur,” shtoi burimi. “Ajo qau shumë dhe ata ishin lot gëzimi. E gjithë kjo ishte shumë emocionuese”.