Bashkimi Evropian po heton rrjetet sociale si Facebook dhe Instagram, për të parë nëse kanë efekte negative në shëndetin fizik dhe mendor të fëmijëve. Do të shqyrtojë nëse ka bërë mjaftueshëm për të kontrolluar nëse përdoruesit janë mjaft të vjetër për t’i përdorur ato dhe se si përmbajtja u rekomandohet fëmijëve.
Një numër i firmave të mëdha të teknologjisë janë tani nën hetim për shkelje të mundshme të Aktit të ri të ashpër të BE-së për Shërbimet Dixhitale (DSA) dhe mund të gjobiten deri në 6% të qarkullimit vjetor global.
Meta e cila zotëron të dyja platformat, thotë se ka “kaluar një dekadë duke zhvilluar më shumë se 50 mjete dhe politika” për të mbrojtur fëmijët. Në shtator, Meta u dha rregullatorëve një raport mbi rreziqet që lidhen me platformat e saj, siç kërkohet nga DSA. BE-ja është përgjigjur duke filluar procedurat.