Ish-kandidati për kryetar të PD, Fatbardh Kadilli komentoi në emisionin “Log.” zhvillimet politike në vend ku u shpreh se nuk ndodhur kurrë që opozita të jetë kaq e përçarë ndaj pushtetit sa sot.
Kadilli tha se opozita është e fragmentarizuar në disa pjesë teksa shtoi se edhe pse Berisha tha se do ta bashkonte partinë nuk e bëri dhe fajtor për përçarjen e kësaj force politike bëri ish-kryeministrin dhe Enkelejd Alibeajn.
“U fol pak më parë se çfarë bën pushteti pa opozitë se po i shërbejmë Edi Ramës duke u përçarë po çdo kryeministër në këtë vend është munduar të dobësojë opozitën por s’ka ndodh kurrë që opozita të jetë kaq e përçarë përballë pushtetit. Ne e dimë që nuk është bashku opozita dhe nuk mund të thuash që ka vetëm dy kandidatë se është edhe nisma Thurje, sa është e fragmentarizuar opozita, opozitë më të përçarë në këto 32 vjet unë nuk kam parë.
Një parti që merr përsipër të drejtojë opozitën e marr nga zoti Berisha të parën se tha nëse unë kthehem në pushtet për 8 muaj e rrëzoj Edi Ramën, e dyta tha do të bashkoj partinë por nuk e bëri, partia është e përçarë dhe kjo për shkak të projektit egoist që kanë Alibeaj dhe Berisha sot ky projekt individual e përçau opozitën”, tha Kadilli.