Grindjeve mes fëmijëve sigurisht që duhet ti japë fund prindëri, por në mnëyrë sa më edukative të mundshme, duke rritur kështu një pasardhës të denjë për shoqërinë. Po ja që ndonjëherë prindërit edhe në sy të fëmijëve e shohin dhunën si mjet për zgjidhjen e konflikteve.
Kështu ka ndodhur në Itali në një sherr prindërish shqiptare. Kanë qenë të vegjlit që duke luajtur në park janë grindur për radhën e lojës. Në vend që të shuanin sherrin mes fëmijëve, nëna e njërit prej tyre “i ka hedhur benzinë zjarrit”, duke u konfliktuar me babain e fëmijës tjetër. Sherri me fjalë u dëgjua dhe nga persona të tjerë, por ngjarja nuk u mbyll me kaq.
Sipas mediave italiane, bashkëshorti i gruas në fjalë ka marrë tre shokë të tij dhe ka “marr hak’ ndaj bashkëatdhetarit. Ata i kanë shkuar në lokalin ku po pinte kafen të nesërmen duke e dhunuar keq. Sipas policisë në vend mbetën gjurmë gjaku, ndërkohë që shqiptari i dhunuar u dërgua me urgjencë në spitalin San Paolo në Savona.
Dhunuesit ikën me një makinë nga vendi i ngjarjes, por nuk shkuan dot larg, pasi u ndoqën nga policia dhe u vunë në pranga.