Fifi është shtatzënë dhe shumë shpejt do bëhet nënë për herë të parë. Lajmi ka javë që qarkullon në mediat sociale dhe mbrëmjen e sotme është konfirmuar nga vetë artistja. Kjo ka ndodhur në një mënyrë të papritur gjatë “Festivalit të Këngës”, ku Fifi merr pjesë këtë vit me këngën “Stop”.
Mbrëmjen e sotme ajo u ngjit në skenë së bashku me Flori Mumajesin me të cilin këndoi “Larg u largova”. Në fund të performancës Fifi zbuloi se është në pritje të ëmbël. Ishte Flori ai që tha se në skenë kënduan të tre teksa Fifi tha se fëmija e saj do ketë dy dajë, referuar Florit dhe vëllait të saj.
Flori dhe Fifi kanë prej vitesh një raport shumë të ngushtë dhe e konsiderojnë veten familje.
Shtatzënia e Fifit vjen një vit pas lidhjes së saj me Adis Patushin. Çifti nisën romancën e tyre në dhjetor të 2021 dhe duket se gjërat kanë ecur shpejt mes tyre. Adisi do bëhet baba për herë të dytë pasi ai ka një djalë nga martesa e parë me Adrola Dushin.
Interesante është të përmendim se “Eurovision” mbahet në maj dhe nëse Fifi zgjidhet të përfaqësoj Shqipërinë, ose do jetë në muajt e fundit të shtatzënisë, ose sapo do jetë bërë nënë.