Arkimed Lushaj, i njohur si Stresi, u shpall fitues i edicionit të parë të “Big Brother Vip Kosova”.
Pas fitores së tij reagimet kanë qenë të shumta dhe një i tillë nuk ka munguar as nga Filloreta Raçi, Fifi.
Në komentin e saj, këngëtarja ka përgëzuar gjithë produksionin për realizimin e një “reality show” të këtij lloji, që sipas saj u kujdes të ruajë njëkohësisht edhe imazhin e personazheve që morën pjesë.
“Stresi, e fitove vëlla”, shkroi fillimisht ajo.
“Big Brother VIP Kosova” hallall për këtë edicion njerëzor, hallall. Me shumë kujdes ruajtët edhe imazhet e këtyre personazheve”, shtoi mes të tjerash Fifi.