Ditën e sotme gëzimi i parë i Fjolla Morinës feston ditëlindjen.
Vajza e saj, Lediana mbush 16 vjeç dhe Fjolla ka zgjedhur ta urojë publikisht në Instagram.
Këngëtarja ka publikuar një foto të 16 viteve më parë, ku shfaqet së bashku me vajzën e saj.
Krahas fotos ajo shkruan fjalët prekëse dedikuar së bijës dhe nuk harron të bëjë pak autoironi.
“Unë nuk ta them shpesh këtë, por sot është dita e përkryer për të të bërë të ditur se çfarë dhuratë e çmuar je për mua. Jam krenare për vajzën time. Ti je dhurata e parë, drita e syve të mi. Ti je ajo që për herë të parë dëgjova të më thotë mam. Qofsh e pastër si uji, e dashur si zemra dhe e bukur si dielli. Gëzuar ditëlindjen Lediana, mami të do shumë. 16 vite më parë. Pa grim. Bukuri natyrale se s’ka pas atëher kurrgjo”, shkruan Fjolla.
Kujtojmë se këngëtarja akuzohet shpesh për ndërhyrje estetike. Megjithatë duke parë këtë foto mund të themi se Fjolla disa nga tiparet e fytyrës i ka pasur të bukura që 16 vite para.
