Nga Flamur Vezaj
Operacionet operative me qëllime terroriste të shërbimeve të huaja sekrete arrijnë edhe në Shqipërinë e vogël! Kjo doli gjatë konferencës së drejtorit të policisë dhe shefit të antiterrorit, të cilët ndryshe nga herët e tjera doleë pa prokurorin e çështjes! Kjo për shkak se prokurori Eugen Beçi u shkarkua me argumentin e “fotos” inkriminuese për sajesat e deputetëve për vrasje! E ta mendosh që kjo çështje ka nisur në vitin 2017 për të vazhduar intensivisht me vezhgime në janar të 2018 ku çoi në ndalimin e dy “gazetarëve” iranianë më 22 mars 2018 në derën e Kryegjyshatës në Tiranë e kulmoi në dhjetor me dëbimin e ambasadorit iranian dhe përfaqësuesit e intelegjencës së tyre në Shqipëri. Pasi të gjithë informacionet e grumbulluara të çonin te kontaktet me ambasadorin dhe përfaqësuesin e shërbimit sekret…!!!Në përfundim, gjithçka mbeti në tentativë, në formën e parandalimit të disa veprimeve logjistike, por pa ndonjë provë konkrete duke bërë që prokuroria mos të ngrejë akuzë për asnjë nga këta të dyshuar të cilët u bënë personazh mediatik në Shqipëri, njësoj si ata të filmave me spiunazh!
#Edhe pas kesaj iranianët vazhdojnë aktivitetin e tyre në bazë të politikave që ju leverdisin duke përdorur edhe trafikantë të drogës si turkun Abdulelam Turgut banor i katit të 8 të një pallati te kthesa e Kamzës! Ky “banor i ri” i Kamzës dyshohet si bashkëpunëtor në trafikun e droges me një konsull, grupin e Shijakut dhe një grup tjetër të fuqishëm që është në hetim akoma! Thuajse të gjithë grupet e trafikut të heroinës nga Turqia, thonë se kanë kontakte me operativë të shërbimeve sekrete iranian, të cilët në Shqipëri kanë një aktivitet të shtuar që pas pranimit të muxhahedinëve të ardhur nga Iraku! E rëndësishme fal aleatëve jemi vigjilentë edhe ne!