Flokët voluminozë padyshim që janë ëndërra e çdo femre. Për rezultat të tillë nuk është e nevojshme të shkoni tek stilisti. Kjo, pasi mund t’i rregulloni edhe në shtëpinë tuaj.
Pasi t’i lani flokët dhe t’i thani me peshqir, vendosni shkumën duke u fokusuar në rrënjën e flokëve.
Vendosja e shkumës në rrënjë të flokëve krijon volum dhe teksturë përkatëse. Pastaj, flokët patjetër thani me tharëse flokësh.
Më mirë është që t’i thani me furçë, mirëpo nëse me furçë nuk jeni të shkathëta, mund t’i përdorni edhe gishtat. Gjatë tharjes me dorë ngrini flokët nga rrënjët.
Kur t’i thani tërësisht flokët, spërkatni me shampo për larje të thatë. Edhe pse ky hap tingëllon çuditshëm, duke pasur parasysh që fjala është për flokët e sapolarë, shampoja për larje të thatë do t’ju japë edhe më shumë volum.
Veç kësaj, me ndihmën e shampos së thatë, do t’u jepni më lehtë formë flokëve. Pa marrë parasysh teksturën natyrale të flokëve tuaj, me ndihmën e shkumës dhe shampos për larje të thatë, do ta arrini më lehtë formën e dëshiruar të flokëve.