Kreu i Partisë Demokratike, Sali Berisha, ka ashpërsuar akuzat ndaj qeverisë, duke deklaruar se paratë publike “vidhen dhe vetëm vidhen”, ndërsa e cilësoi kryeministrin Edi Rama si politikisht të vdekur.
Gjatë fjalës së tij në foltoren para kryeministrisë, Berisha solli si krahasim autostradën Janinë–Kakavijë në Greqi, e cila është prokuruar me 4 milionë euro kilometri, ndërsa Balluku i ndërton me 17-22 milionë euro kilometri .
“Greqia këtë vit ka prokuruar autostradën Janinë-Kakavijë, 6 korsi të standardeve evropiane, 4 milionë euro kilometri, kundrejt 17-22 milionë euro kilometri të rrugëve të florinjta të Ramës dhe Lubisë”, u shpreh Berisha, duke iu referuar zëvendëskryeministres Belinda Balluku.
Berisha deklaroi gjithashtu se kryeministri “Rama ka vdekur politikisht, ne duhet ta groposim atë”.
Berisha: Paratë vidhen dhe vetëm vidhen. Greqia këtë vit ka prokuruar autostradën Janinë-Kakavijë, 6 korsi të standardeve evropiane, 4 milionë euro kilometri, kundrejt 17-22 milionë euro kilometri të rrugëve të florinjta të Ramës dhe Lubisë. Zinxhiri i vjedhjeve të tyre nuk ka fund. Edi Rama ka vdekur politikisht, ne duhet ta groposim atë.