Me rastin e 31-vjetorit të krijimit të Partisë Socialiste, selia rozë ka organizuar një festë, ku janë ftuar politikanë të ndryshëm dhe jo vetëm.
Në njërën anë të selisë, të ftuarit priten nga kryebashkiaku Erion Veliaj, Sekretari i Përgjithshëm, Damian Gjiknuri dhe deputetët Etjen Xhafaj dhe Blerina Gjylameti.
Nga radhët e LSI-së ka qenë Erisa Xhixho e cila ka marrë pjesë në eventin ku është ftuar, ndërsa nga Partia Demokratike, nuk është ftuar asnjë eksponent.
Në këtë ceremoni nuk mungoi prezenca e ish-kreut të Kuvendit, Gramoz Ruçi, i cili, si sot një vit më parë u tërhoq nga politika aktive, duke dhënë dorëheqjen nga të gjithë funksionet e PS-së.
