Rreth 59 persona kanë vdekur në Seul të Koresë së Jugut pasi u shtypën nga një turmë e madhe që po shtynte përpara në një rrugë të ngushtë gjatë festimeve të Halloween.
Agjencia e lajmeve Yonhap, duke cituar shërbimet e urgjencës, raportoi se 150 të tjerë kanë mbetur të plagosur.
Presidenti i Koresë së Jugut, Yoon Suk-yeol ka thirrur një takim urgjent.
Më shumë se 400 punonjës të urgjencës janë angazhuar dhe vendosur në rrugë për të trajtuar të lënduarit.
Pamjet e shpërndara në rrjetet sociale tregojnë njerëzit e shtrirë në rrugë, teksa ekipet e urgjencës japin ndihmën e parë.
