Episodi i parë i emisionit “Mes Nesh” nisi me fotografin Eisar Asllanaj, i cili na çoi përtej kamerës dhe aparatit për të eksploruar botën e fotografisë dhe jo vetëm.
Nga teknika, ndriçimi, kompozimi dhe ana artistike, Eisari ndan me ne eskperiencën e tij personale, këshilla dhe qasjen ndaj fotografisë duke treguar se si çdo imazh është më shumë se thjesht një fotografi, është një moment…
“Fotografia është një gjë që ndodh në një moment dhe aty mbaron”, shprehet Eisar Asllanaj në “Mes Nesh”.
Fotografi Asllanaj tregon se ka një trend në rënie të kërkesave për të realizuar sete fotografike.
“Ka një rënie nga vitet e tjera, kjo për faktin se shumë studio të reja po hapen, shumë njerëz e kanë pasion fotografinë, gjejnë një studio sado të vogël, unë e shoh trendin në rënie, më parë kishim më shumë klientë që vinin gati cdo muaj në studio…”, shprehet Eisari.
Eisari na tregon se si e gjeti veten dhe se si ka lindur dëshira për tu marrë me fotografinë.
“Pasioni ka lindur bashkë me mua, familja ime që në vitet ’83-’84, kanë nisur profesionin e fotografit dhe gjithë jetën janë marrë me fotografinë. Duke u marrë ata me këtë profesion cdo kujtim i imi në fëmijëri është me element si aparati ose kamera në duar…”, shprehet ai.
Dhe këshilla e fotografit Asllanaj për të gjithë ata që e kanë pasion fotografinë është t’i qëndrojnë natyralitetit gjithmonë.
Klikoni linkun më poshtë për të parë intervistën e plotë.