Nevina Shtylla ka vendosur të ftojë publikisht futbollistin e Kombëtares së Futbollit Eros Grezda në një përballje me Erjola Docin.
Kjo e fundit njihet për deklaratat e saj të bujshme dhe këtë herë ka “piketuar” futbollistin. Sipas saj, ai i ka shkruar dhe më pas e ka fshirë mesazhin, gjë për të cilën ajo e quan “frikacak”.
“E di si është puna, rezultoi frikacak! Unë isha zgjuar, po i shikoja dhe nuk ia hapa 3-4 orë mesazhin. Dhe i bëri “unsend”!“- tha ajo në “E diell” teksa shtoi: “Bëhu burrë!”
Kështu, moderatorja e ka ftuar Erosin në emision. Përmes një postimi në Instagram ajo shkruan: “Eros po ta bëj publikisht ftesën për në emision ta sqarojmë një herë e mirë këtë punë”. Ndërkohë, nga ylli i futbollit nuk ka ende përgjigje. Vlen të theksohet se Eros dhe Nevina janë përfolur për një lidhje vite më parë. Shkak u bënë shpoqërimet e tyre dhe komentet në rrjetet sociale. Megjithatë, ata sqaruan se nuk ka asgjë përtej shoqërisë.
Nevina është në lidhje prej vitesh me një jurist. Nga ana tjetër, futbollisti aludohet prej kohësh se është hedhur në krahët e një modeleje.