Ka njerëz që vetëm duke parë një shiringë që merr gjakun, përpiqen shumë të kontrollojnë ankthin dhe kanë një ndjenjë të fikti.
Si ndodh? Bëhet fjalë për një reagim mjaft të zakonshëm, të përcjellë nga sistemi nervor.
Frika dhe emocionet krijojnë një stimul i cili në formë të impulseve elektrike mbërrin deri në zemër, që si pasojë, ngadalëson të rrahurat e zemrës, duke shkaktuar një rënie të fluksit të gjakut në tru, prej nga vjen edhe ndjesia tipike “sikur të mungon gjë”.
Në raste të rralla arrihet deri në humbje të vetëdijes, por kryesisht bëhet fjalë për një ndjenjë të përgjithshme të pakëndshme. Gjendja keqësohet nëse ke tension të ulët të gjakut.
Për të shmangur problemet, para ekzaminimit bëja të ditur këtë mjekut apo infermieres.
Në vend që të qëndrosh ulur gjatë marrjes së gjakut, mund të qëndrosh shtrirë. Pozicioni favorizon qarkullimin e gjakut në tru. Si dhe, gjatë marrjes së gjakut shiko diku gjetkë.
Dy këshilla që reduktojnë në minimum këtë bezdi:
Pas analizës qëndro i qetë për disa minuta e kur të ndihesh i sigurt, ngrihu në këmbë ngadalë. Dhe, shko menjëherë të hash diçka.