Kanë kaluar 23 vjet që kur zyra e gjendjes civile nuk regjistroi një lindje të re. Bëhet fjalë për në Fascia, “qyteti më i vjetër në Itali”.
Fshati në Val Trebbia ka 73 banorë për nëntë muaj të vitit, ndërsa gjatë verës numri shkon në 1800 banorë falë pushuesve. Fshati ka një moshë mesatare mbi 66 vjeç dhe shumë nga banorët e saj janë mbi 90 vjeç.
Kryetari i Bashkisë, Marco Gallizia tha: “Ne jemi qyteti më i vjetër, por këtu ju jetoni me të vërtetë mirë falë ajrit të pastër, mungesës së ndotjes dhe zhurmës dhe produkteve të tokës sonë, nga e cila lind ushqimi i shëndetshëm. Tashmë, falë një çifti që është transferuar te ne për arsye pune, do të kemi edhe një banor të ri në fshatin tonë. Sapo të përfundojë emergjenca e Covid-19, do të bëjmë festë të madhe sepse kemi 23 vite që presim një lindje”.