Edhe pse jo një fenomen i ri, mediat në Angli po i bëjnë jehonë shqiptarëve që me gomone, duan të arrijnë ëndërrën për një jetë më të mirë se në Shqipëri. Gazetarët e “Daily Mail” kanë ardhur në Has, qytetin nga ku ka më shumë emigrantë shqiptarë në Britaninë e Madhe duke sjellë historinë dhimbshme të familjeve të mbetura bosh, dhe të vajzave të mbetura beqare për shkak se djemtë janë jashtë.
Kryetari i bashkisë ka katër vëllezër që jetojnë në Leicester, por lutet që tre fëmijët e tij, dy vajza dhe një djalë nga dhjetë deri në 20 vjeç, të mos largohen nga Hasi. Ai pranon se qyteti “ndihet pjesë e Londrës” sepse pothuajse çdo familje ka një të afërm të ngushtë që jeton në kryeqytetin anglez ose në një qytet tjetër të madh në Mbretërinë e Bashkuar.
Një zyrtar zbulon se në fund të sezonit të verës, 19-vjeçarët që po largoheshin nga shkolla, u thanë lamtumirë mësuesve të tyre me fjalët “Shihemi në Londër”, në vend të fjalës më normale “Shihemi përreth”.
Bandat shqiptare që veprojnë në Francë postojnë pafytyrë video që reklamojnë një “shëtitje verore” për kalimet detare të Kanalit, me çmime deri në 2000 £ për kokë. Në sfondin e muzikës rap me zë të lartë, ata madje kanë reklamuar një ‘shërbim jahti’ prej 15,000 £ nga Calais ose Dunkirk në Angli.