Roman Protasevich, gazetari i opozitës i cili u arrestua pasi fluturimi i tij u devijua në Bjellorusi, po mbahet në një qendër paraburgimi në kryeqytetin Minsk, thotë ministria e brendshme e vendit.
Në një deklaratë të publikuar nga mediat shtetërore, ministria tha që Protasevich nuk ishte ankuar për shëndet të keq ndërsa ishte në paraburgim.
Më herët babai i tij, Dmitri, i tha BBC se ai kishte frikë se djali i tij mund të torturohej në paraburgim dhe mund të përballej me dënimin me vdekje.
Protasevich kërkohet në lidhje me protestat masive të vitit të kaluar kundër presidentit autoritar të Bjellorusisë, Alexander Lukashenko.
Dje, gazetari Roman Protasevich u arrestua në Minsk me urdhër të Presidentit bjellorus Aleksandër Lukashenko. Bjellorusia lëshoi alarm se në bordin e avionit Ryanair kishte lëndë shpërthyese, por qëllimi ishte kapja e gazetarit të dënuar me vdekje. Protasevich është një ish-redaktor i medias Nexta, e njohur për qëndrimet e tij kundër regjimit të Lukashenkos. I akuzuar për terrorizëm dhe nxitje të trazirave përgjatë vitit 2020, ai u dënua me vdekje. Arrestimi i tij ka nxitur shumë reagime të BE dhe SHBA.