Gazetari Eni Ferhati ishte pjesë e emisionit “Now me Erla Mëhillin” këtë të enjte për të diskutuar rreth asaj se çfarë pritet të ndodhë tashmë me ish-presidentin Ilir Meta.
Ky i fundit u arrestua pak ditë më parë me urdhër të SPAK pasi mbi të rëndonin akuzat korrupsion, mosdeklarim parash dhe fshehje pasurie.
Pas vendimit të GJKKO për të lënë në fuqi masën e sigurisë “arrest me burg” për Metën, pasditen e së mërkurës ish-presidenti në përfundim të seancës u transportua nga forca të shumta policie drejt burgut 313 në Tiranë.
Gazetari Ferhati sqaroi se për shkak të statusit si funksionar publik, Meta do të ketë një trajtim preferencial në paraburgimin, pasi nuk do të qëndrojë në qeli me persona me rekorde kriminale apo të cilët janë të akuzuar për vepra të ndryshme penale.
Pas njohjes me vendimin e GJKKO, avoktët e ish-presidentit do të anikojnë vendimin brenda 5 ditësh në Apelin e Posaçëm, për të kërkuar zbutjen e masës së sigurisë.
“Në bazë të ligjit për trajtimin e personave të paraburgosur ai është mbajtur nën observim sepse janë procedura standarde. Pyetet për sëmundjen, për konfliktet me persona të tjerë. Në bazë edhe të pozicionit të tij ai do të ketë një trajtim, preferencial, nuk mun dtë rrijë në një qeli me persona të dënuar për vepra të tjera penale apo që kanë rekorde kriminale. Edhe zyrtarë të tjerë kanë këtë benefit. Kjo sipas statusit të paraburgosurit. Paraburgimi i Fierit ka kushte shumë të mira. Tani avokatët do ndjekin rrugën ligjore, do bëhet një ankimim tek Gjykata e Posaçme e Apelit bredna 5 ditësh për të parë a do zbutet masa e sigurisë apo jo”, tha Ferhati.