Kreu i PAA-së, Agron Duka, nuk bie dakord me skeptikët se në Shqipëri mungon një alternativë konkrete përballë Edi Ramës.
Sipas tij, kjo është një histori e hedhur në treg nga Kryeministri tashmë i konsumuar nga 8 vite në pushtet.
Duka: Këtë histori e ka nxjerrë vetë ky, nuk jemi të mirë por më të mirë se ne nuk ka. Një përrallë me mbret. Pse nuk paska më të mirë? Alternativa janë PD, aleatët dhe njerëzit që besojnë.
I ftuar në Ora News, pyetjes ngacmuese të gazetares se kë duhet të votojë ajo si qytetare e dyzuar, Duka ju përgjigj me humor.
Duka: Ti jepja PAA dhe je në rregull. Te Partia Agrare Ambjentaliste me një program real. Është kundër kësaj qeverisje dhe ka argumenta të plotë se ka një pakënaqësi pas 8 vjet konsumi duhet të ketë rrotacion. Formulë magjike nuk ka. Këtu ka vetëm punë, të dalim me program elektoral, të punohet me strukturat dhe njerëzit, të binden ata që të merren votat.
Duka nënvizoi se janë në pritje të opinionit të Venecias, por në të gji8tha rrethanat opozita e bashkuar do të shkojë në zgjedhjet e 25 prillit me dy lista, PD së bashku me aletatët dhe LSI.
Duka: Formula e detyrueshme është të dilen dy lista, një LSI dhe tjetra PD me aletatët. Duhen negociata. Opozita ka respektuar institucionet. Po presim edhe mendimin e Venecias dhe do të shohim si do të vijojë kjo punë pastaj do të dalim me listë të përbashkët PD dhe aleatët. Kjo nuk na pengon për fushatë zgjedhore, ne kemi filluar. PAA, përveç një shkëputje që kam pasur unë, ka dalë në qarqet kryesore të Shqipërisë duke prezantuar kandidatët e saj. Si me PD dhe me opozitën, si vetëm, ne do të kemi kandidatë në qarqet kryesore të Shqipërisë, mund të jenë brenda listës fituese dhe jashtë saj, nuk ka rëndësi.