Aktorja Egla Ceno bëri bujë në BB VIP me deklaratën që bëri kundrejt një personazhi te medias, për të cilin ka thënë se është ngacmuar seksualisht në fillimet e saj të karrierës. Kjo bëri që aktorja të përfundojë në gjyq, ndonëse nuk dihen më shumë detaje.
Por disa muaj para se të futej në BB VIP, Egla ka qenë e ftuar për një intervistë nga Eni Shehu në Top Albania Radio.
Eni Shehu e ka pyetur nëse do të kishte në Shqipëri një lëvizje “Me Too”, siç u bë në Amerikë vite më parë lëvizja kundër ngacmimeve seksuale në vendin e punës.
“Unë i përkas një gjenerate psiqike që nuk i lidh ngjarjet e jetës me lëvizjet, nuk kthehet dot në modë një shqetësim social. Mendoj që janë një kopertinë që nuk vlen”- ka thënë Egla mes rreshtash, ndonëse më tej Eni e ka pyetur nëse ka dhe në Shqipëri raste ngacmimesh seksuale, Egla ka thënë: “Unë jam një femër dhe në kaq vite karrierë unë nuk kam pasur ndonjëherë ndonjë presion seksual apo ndonjë kërkesë seksuale. Unë kam idenë që njeriu shkon gjen atë që kërkon, mund edhe të ndodhë, por unë në atë moment di të marr 112 e hajde shëndet”.
Gjë që tregon se muaj më parë e ka mohuar ose e ka harruar këtë fakt që sot e ka çuar drejt dyerve të gjykatës.