Më mirë një mik se një çiflig, dhe këtë e tregoi më së miri Julia Roberts. Ajo me rastin në eventin Kennedy Center Honore tregoi admirimin e saj për mikun dhe kolegun e saj, Clooney. Dyshja ka një miqësi të vjetër.
Kennedy Center, është një event në të cilin personalitete nderohen për kontributin e tyre dhe një nga të nderuarit e mbrëmjes ishte edhe Clooney.
Presidenti i SHBA-së, Biden, së bashku me shumë personalitete të tjera mori pjesë, por sytë u kthyen nga Julia Roberts, e cila zgjodhi një fustan “Moschino” të dizajnuar enkas për mbrëmjen e djeshme. Aktorja dhe mikesha e mirë e Clooney, ka dashur ta nderojë atë dhe të shprehë mbështetjen e saj në një mënyrë mjaft origjinale.
Kështu ajo kishte veshur një stilim, i cili kishte mbi vete shumë foto të ndryshme të George Clooney nga momente të karrierës së tij. Me këtë fustan të veçantë, ajo u shfaq në tapetin e kuq të eventit, duke përcjellë mesazhin e saj dhe duke mbështetur fuqishëm mikun e saj.